Lauman ang pagsaka sang presyo sang Gasolina kag Diesel sa masunod nga semana.
Suno kay Department of Energy-Oil Industry Management Bureau (DOE-OIMB) assistant director, Rodela Romero, lauman nga magasaka sa kapin P0.20 ang kada litro sang Gasolina kag kapin P0.50 nga saka sa kada litro sang Diesel samtang wala naman sang adjustment sa presyo sang Kerosene.
Ini na sa karun ang ika-lima nga semana nga asod-asod ang pagsaka sang presyo sang Gasolina kag ika-apat nga asod-asod nga pagsaka sa presyo sang Diesel.
Suno kay Romero, ang oil price hike ang bangod sa geopolitical tension kasunod sa pag-atake sang Israel sa Doha, Qatar sa pagtarget sa mga lider sang Hamas kag drone incursion sang Russia sa Poland.
Magluwas sini, ang oil price hike ang bangod man sa pagbukas sang taripa sang Estados Unidos nga naghatag sang opportunidad sa shipping industry.
Masami nga gina-anunsyar kada Lunes ang aktwal nga price adjustment nga ginpatuman pagkasunod nga adlaw.
