Atensyon sa mga motorista! Liwat naman nga madugangan ang kabudlayan sang mga motorista.
Ini matapos nga nagpatuman sang oil price hike kag epektibo nga adlaw sang Martes, Disyembre 17.
Sa separado nga advisories, ginpahayag sang Seaoil Philippines Corp. kag Shell Pilipinas Corp. nga nagpatuman ang mga ini sang price hike sa gasolina kag diesel nga P0.80 sa kada litro kag P0.10 sa kada litro sang kerosene.
Nagpatuman man ang Cleanfuel kag Petro Gazz sang pareho nga price adjustment magluwas sa kerosene nga wala sa ila produkto.
Nagtake effect ang adjustment alas 6:00 ang takna kaina sang aga sa tanan nga firms samtang ang Cleanfuel ang magatake effect ang price adjustments alas 4:01 ang takna kahapon sang hapon.
Suno kay Department of Energy-Oil Industry Management Bureau Assistant Director Rodela Romero, ang pagsaka sa presyo sang gatong ang naangot sa geopolitical climate sa Middle East kag atrasado nga output hikes sa Organization of the Petroleum Exporting Countries.
