-- ADVERTISEMENT --
Lauman ang bigtime nga pagsaka sa presyo sang produktong petrolyo sa masunod nga semana.
Suno kay Department of Energy-Oil Industry Management Bureau Director III Rodela Romero, lauman nga magasaka sa presyo nga P0.60 tubtob sa P0.85 ang kada litro sang gasolina, P1.45 tubtob sa P1.70 ang kada litro sang diesel, kag P1.85 tubtob sa P1.90 naman sa kada litro sang kerosene.
Masami nga gina-anunsyar kada Lunes ang aktwal nga price adjustment nga ginpatuman sa masunod nga adlaw.
Epektibo sa Martes, Hunyo 18, 2024 ang pagbag-o sa presyo sang produktong petrolyo.
