Lauman nga may pagsaka sa presyo sang produktong petrolyo sa masunod nga semana para sa Gasolina kag Diesel samtang posible naman nga may pagsaka ukon pagnubo sa Kerosene.
Suno kay Department of Energy – Oil Industry Management Bureau assistant director Rodela Romero, lauman nga magasaka sa P0.30 tubtob P0.70 ang presyo sang Gasolina kada litro, P0.20 tubtob P0.60 sa kada litro sang Diesel samtang posible naman nga wala sang adjustment ukon may increase ukon decrease nga P0.20 sa kada litro sang Kerosene.
Suno kay Romero ang possible adjustments ang bangod sa pagpatuman sang taripa ni United States President Donald Trump sa trading partners sini kalakip na ang European Union, China kag Korea nga sa karun ginalantaw nga makatuga sang pag-ilinaway sa trading business; kag ginalauman nga pagnubo sang refineries sa China sa bulan sang Marso kag Abril.
Masami nga gina-anunsyar kada Lunes ang final adjustments nga ginpatuman sa masunod nga adlaw.
