Liwat naman nga nagsaka ang presyo sang produktong petrolyo subong nga aga, Martes, Hunyo 28 santo sa gin-anunsyar sang mga kompanya sang langis.
Ini na ang ika-lima nga sunod-sunod nga semana nga may ara sang pagsaka sa presyo sang gatong.
Ang Shell kag Seaoil, ang nagpatuman sang P0.50 nga pagsaka sa presyo sang kada litro sang gasolina, P0.10 sa kada litro sang kerosene samtang P1.65 naman ang pagsaka sa presyo sang diesel.
Sa pihak nga bahin ang Caltez ang magapatuman sang P0.50 nga pagsaka sa kada litro sang Platinum kag Silver gasoline, magluwas pa sa P1.65 nga saka sa presyo sang diesel kag P0.10 sa presyo sang kerosene.
Ang Jetti, ang may adjustment nga P0.50 nga dugang sa kada litro sang AcceleRate gasoline kag JX Premium samtang P1.65 namna sa kada litro sang Diesel Master.
Kaangay man nga magapatuman sang pagtaas nga P0.50 sa kada litro sang gasolina kag P1.65 sa kada litro sang diesel ang CleanFuel, PTT kag Phoenix.
Una na nga ginpahayag nga indi matumod ang mangin hulag sang presyo sang gasolina.
Madumduman nga sang Sabado, ginpahayag nga mahimo nga magsaka ukon magnubo ang presyo sang gasolina.
