Atensyon sa mga motorista, nagpatuman sang oil price hike ang mga oil firms subong nga adlaw.
Sa separado nga advisories ang Chevron Philippines Inc. (Caltex), Seaoil Philippines Corp. kag Shell Pilipinas Corp. ang nagpatuman sang oil price sa Gasoline sang P0.80 kada litro; sa Diesel, magasaka man sang P0.80 kada litro kag ang kerosene, magasaka sang P0.10 kada litro.
Ang Cleanfuel kag Petro Gazz ang nagpatuman sang pareho nga price adjustment magluwas sa kerosene nga wala sa ila mga produkto.
Nagtake effect ang price adjustment kaina alas 6:00 ang takna sang aga sa tanan nga firms apang ang Cleanfuel ang magapatuman sang price adjustment alas-4:01 ang takna karun sa hapon.
Suno sa Department of Energy-Oil Industry Management Bureau, ang increase sa oil prices ang bangod sa nagalala nga tensyon sa Middle East kag sanctions sa US sa Iran kag Russia.
