Madugangan naman ang kabudlayan sang mga motorista matapos nga nagpatuman sang pagsaka presyo sang produktong petrolyo ang mga oil firms subong nga adlaw.
Sa separado nga advisories ang, Seaoil Philippines Corp. kag Shell Pilipinas Corp. ang nagpatuman sang pagsaka sa kada litro sang gasolina kag kerosene P1.00 kag diesel nga P1.40 sa kada litro.
Ang cleanfuel kag petro gazz ang nagpatuman sang pareho nga adjustments magluwas sa kerosene nga wala sa ila nga produkto.
Nangin epektibo ang price adjustment alas-6:00 ang takna kaina sang aga magluwas sa Cleanfuel nga magapatuman sang adjustment alas 4:01 ang takna subong nga hapon.
Ang pinakaulihi nga advisories ang ginlantaw sang Department of Energy-Oil Industry Management Bureau (DOE-OIMB), bangud sa ginpalawig nga production cuts tubtob sa April 2025, mas mataas nga demand sa US kag Europe bangud sa severe cold blasts, kag geopolitical risks kag trade tensions.
Sang nagligad nga semana nagpatuman sang rolled back kada litro kun sa diin ang gasolina kag diesel ang nagnubo sang P0.30 kag kerosene sang P0.90.
