Lauman ang pagsaka sa presyo sang Gasolina kag pagnubo sa presyo sang Diesel kag Kerosene sa masunod nga semana.
Suno kay Department of Energy-Oil Industry Management Bureau Assistant Director Rodela Romero santo sa international trading may yara sang increase kag decrease sa presyo sang produktong petrolyo sa Oktobre 8.
May yara sang pagnubo sa presyo sang Gasolina sa P0.50 tubtob P0.70 sa kada litro, samtang may pagsaka naman sa presyo sang Diesel sa P0.40 tubtob sa P0.70 kag Kerosene sa P0.15 tubtob P0.35 sa kada litro.
Suno kay Romero, ang ginalauman nga price increase sa Diesel kag Kerosene ang bangod sa nagapadayon nga pagpang-atake sang Israel sa oil infrastructure sang Iran nga posible makadisrupt sa supply.
Dugang pa sini, ang epekto sang Hurricane Helene sa Estados Unidos ang nakaapekto man sa oil price hike.
Samtang ang ginalauman naman nga rollback ang bangod sa naga-amat amat nga pagsanyog sang demand kag positibo nga pagsaka sang supply.
