Presyo sang gasolina, nagpanaog sang 80 sentimos kada litro; Diesel, nagnubo sang P1.30

Liwat naman nga nagpatuman sang pagnubo sang presyo sa petrolyo sini nga semana, apang indi pa sini matabunan ang mga nangin pagsaka sa presyo subong nga tuig.

Sa magkatuhay nga mga advisories, ang Chevron Philippines Inc. (Caltex), Flying V, Petron Corp., Seaoil Philippines Corp. kag Shell Pilipinas Corp. ang nagpatuman sang roll back sa presyo sa kada litro sang gasolina nga P0.80, diesel P1.30, kag kerosene P1.60.

Samtang ang Cleanfuel kag Petro Gazz, PTT Philippines Corp, kag Unioil Petroleum Philippines Inc. ang magapatuman sang pareho nga price adjustment magluwas sa kerosene nga wala sa ila produkto.

Ang price adjustment ang ginpatuman sumugod alas 6:00 subong nga aga, magluwas sa Cleanfuel nga magapatuman karun alas 8:01 sang aga.