Presyo sang gasolina, nagsaka sang 20 sentimos; presyo sang diesel, nagsaka sang salapi

Liwat naman nga magadako ang galastuhan sang mga motorista bangod sa pagsaka sang presyo sang produktong petrolyo.

Sa separado nga advisories, ginpahayag sang Chevron Philippines Inc. (Caltex), Flying V, Petron Corp., Seaoil Philippines Corp., Shell Pilipinas Corp., kag Unioil Petroleum Philippines Inc. nga sila ang magapasaka sang P0.20 sa kada litro sang gasolina, P0.50 sa diesel kag P0.50 sa kerosene.

Magapatuman man sang kaangay nga pagbag-o ang Cleanfuel kag Petro Gazz, magluwas lamang sa kerosene nga wala sa ila produkto.

Ang fuel price adjustment ang nag-epekto alas-6:00 subong nga aga, magluwas sa Cleanfuel nga magapatuman sang price adjustment alas-4:01 karun sa hapon.