Nagpatuman naman sang pagsaka ang presyo sang produktong petrolyo epektibo subong nga adlaw.
Sa separado nga advisories, ang Chevron Philippines Inc. (Caltex), Flying V, Petron Corp., Seaoil Philippines Corp., kag Shell Pilipinas Corp. nga nagpatuman sila sang price hike nga P0.50 sa kada litro sang gasolina; P1.45 sa kada litro sang diesel kag P0.75 sa kada litro sang kerosene.
Magapatuman naman sang pareho nga price adjustment ang Cleanfuel, Petro Gazz, PTT Philippines Corp., kag Unioil Petroleum Philippines Inc. magluwas nalang sa kerosene nga wala sa ila nga produkto.
Una na nga gin-project sang Department of Energy-Oil Industry Management Bureau (DOE-OIMB) ang ini nga adjustment bangud sang padayon nga gyera sa Middle East kag ang production cuts sang oil-producing countries.
