Madugangan naman ang kabudlayan sang mga motorista matapos nga nagpatuman naman sang oil price hike sa produktong petrolyo.
Sa separado nga advisories, ang Chevron Philippines Inc. (Caltex), Seaoil Philippines Corp. kag Shell Pilipinas Corp. nagpatuman sang pagsaka nga P0.60 kada litro sang gasolina; P0.95 sa kada litro sang diesel kag P0.30 sa kada litro sang kerosene.
Nagpatuman sang pareho nga price adjustments ang Cleanfuel kag Petro Gazz magluwas sa kerosene nga wala sa ila produkto.
Ang price adjustment ang nagtake effect alas 6:00 ang takna kaina sang aga magluwas sa Cleanfuel nga magapatuman sang adjustment alas 4:01 ang takna karun sa hapon.
Una na nga ginpahayag sang Department of Energy-Oil Industry Management Bureau (DOE-OIMB) nga ang pagsaka sa presyo sang gatong subong nga semana ang bangud sang geopolitical tensions sa tunga sang Russia kag Ukraine, kag ang problema sa suplay bangud sa wilfires sa Canada.
