Liwat naman nga nagpatuman sang price hike ang mga oil firms subong nga semana nga nagmarka sang ikatlo nga semana nga asod-asod nga pagsaka sa presyo sang gasoline kag ikaduha nga semana para sa diesel kag kerosene.
Sa separado nga advisories ang Chevron Philippines Inc. (Caltex), Seaoil Philippines Corp., kag Shell Pilipinas Corp. ang nagpatuman sang pagsaka nga P0.70 sa kada litro sang gasoline, P1.00 sa kada litro sang diesel kag P0.70 sa kada litro sang kerosene.
Magapatuman sang pareho nga adjustment ang Cleanfuel kag Petro Gazz magluwas sa kerosene nga wala sa ila nga produkto.
Nagtake-effect ang price adjustment alas 6:00 ang takna kaina sang aga magluwas sa Cleanfuel nga nagpatuman sang price adjustment alas 4:01 ang takna karun sa hapon.
