Nagpatuman sang pagsaka sa presyo sang produktong petrolyo subong nga adlaw, Hulyo 15, matapos ang duha ka asud-asod nga semana nga rollback.
Sa separado nga advisories, ang Seaoil Philippines Corp. kag Shell Pilipinas Corp. ang magapasaka sang P0.70 sa kada litro sang gasolina, diesel sa P1.40 sa kada litro kag P0.80 sa kada litro sang kerosene.
Nagpatuman sang pareho nga price adjustments ang Cleanfuel kag Petro Gazz Ventures Philippines Corp. magluwas sa kerosene.
Suno sa report, ang adjustment sang presyo sa World Market, kalakip ang mataas nga demand kag ginalauman nga pagnubo sang produksyon sang langis sa U.S., ang nagduso sa pagsaka sang presyo subong nga semana.
Madumduman nga sadtong nakaligad nga semana nagpatuman sang rollback ang oil industry sources sa diin nagnubo sang P0.70 sa gasolina, P0.10 sa diesel, kag P0.80 sa kerosene.
