Presyo sang gasolina, nagsaka sang 70 sentimos kada litro; Diesel, nagsaka sang 50 sentimos

Atensyon sa mga motorista…. Liwat naman nga nagpatuman sang pagsaka sa presyo sang produktong petrolyo subong nga adlaw.

Sa separado nga advisories, ginpahayag sang Chevron Philippines Inc. (Caltex), Seaoil Philippines Corp., kag Shell Pilipinas Corp. nga nagpatuman sila sang pagsaka nga P0.70 sa kada litro sang gasolina; P0.50 sa kada litro sang diesel; kag P0.30 sa kada litro sang kerosene.

Magapatuman man sang pareho nga price adjustments ang Cleanfuel kag Petro Gazz magluwas sa kerosene nga wala sa ila nga produkto.

Ginpatuman sang mga oil firms ang adjustments ang nagtake effect alas 6:00 ang takna kaina sang aga magluwas sa Cleanfuel nga magapatuman sang price adjustments alas 4:01 karun sa hapon.