Madugangan naman ang kabudlayan sang mga motorista bangud nagpatuman naman sang pagsaka ang presyo sang produktong petrolyo subong nga semana.
Sa separado nga advisories, Chevron Philippines Inc. (Caltex), Flying V, Petron Corp., Seaoil Philippines Corp. kag Shell Pilipinas Corp. ang nagpasaka sang P0.80 sa kada litro sang gasolina kag kerosene kag P0.90 naman ang pagsaka sa diesel, samtang ang Cleanfuel, Petro Gazz, kag Unioil Petroleum Philippines Inc ang nagpatuman sang pareho nga price adjustments magluwas sa kerosene nga wala sa ila nga produkto.
Ang adjustments ang nagtake effect kaina alas 6:00 sa tanan nga firms magluwas sa Cleanfuel nga magapatuman alas 4:00 ang takna karun sa hapon.
Sang tinalikdan nga semana ang mga oil firms ang nagpatuman man sang price hike nga P1.00 sa kada litro sang gasoline kag kerosene kag P1.40 sa kada litro sang diesel.
