Madugangan naman ang kabudlayan sang mga motorista matapos nga nagpatuman naman sang oil price hike kasunod sang tatlo ka semana nga asod-asod nga rollbacks.
Sa separado nga advisories, ginpahayag sang Chevron Philippines Inc. (Caltex), Seaoil Philippines Corp., kag Shell Pilipinas Corp. nga nagpatuman sila sang pagsaka nga P1.10 sa kada litro sang gasoline kag P0.40 sa kada litro sang diesel kag kerosene.
Magapatuman sang pareho nga price adjustment ang Cleanfuel magluwas sa kerosene nga wala sa ila nga produkto.
Ang price adjustments ang nagtake effect alas 6:00 ang takna kaina sang aga sa tanan nga oil firms magluwas sa Cleanfuel nga magatake effect alas 4:01 ang takna karun sa hapon.
Suno sa energy official, ang increase sa oil price ang bangod sa nagasaka nga tensyon sa Middle East kun sa diin nagpadala sang military strikes ang US sa Houthis kag pagnubo sang fuel inventories santo sa US government data.
Sang tinalikdan nga semana nagpatuman ang mga oil firms sang roll back nga P0.20 sa kada litro sang diesel kag P0.40 sa kada litro sang kerosene samtang wala naman sang pagbag-o sa presyo sang gasoline.
