Madugangan naman ang kabudlayan sang mga motorista bangud nga nagpatuman naman sang oil price hike ang mga oil companies matapos ang sunod-sunod nga semana nga pagpatuman sang pagnubo sa presyo sang produktong petrolyo.
Sa seperado nga advisories sang Cleanfuel, Petro Gazz, Seaoil Philippines Corp., and Shell Pilipinas Corp., nagpatuman sang pagsaka nga P1.10 sa kada litro sang gasolina, P0.20 sa kada litro sang diesel samtang ang wala sang pagbag-o sa presyo sang kerosene.
Nag-epekto ang price adjustment alas 6:00 ang takna kaina sang aga sa tanan nga oil firms magluwas nalang sa Cleanfuel nga magapatuman sang price adjustments alas 4:01 karun sa hapon.
Sang tinalikdan nga semana, ang mga oil firms ang nagpatuman sang oil price rollback nga P1.00 sa kada litro sang gasolina; P1.30 sa kada litro sang diesel samtang P1.65 sa kada litro sang kerosene.
Humalin sang Enero subong nga tuig ang net increase nga P4.85 sa kada litro sang gasolina kag P1.75 sa kada litro sang diesel samtang net decrease nga P6.35 sa kada litro sang kerosene as of September 17, 2024.
