Presyo sang gasolina, nagsaka sang P1.20 kada litro; diesel, nagsaka naman sang P1.70

Indi maayo nga balita para sa mga motorista bangud nagpatuman naman sang bigtime oil price hike sa produktong petrolyo ang mga oil firms.

Sa advisories ang Shell Pilipinas kag Seaoil ang nagpatuman sang P1.20 sa kada litro sang gasolina kag kerosene samtang P1.70 sa kada litro sang diesel.

Ang Petro Gazz, Cleanfuel, kag PTT Philippines ang magapatuman sang pareho nga price adjustments.

Ang price adjustments ang nagtake effect alas-6:00 ang takna kaina sang aga.

Una na nga ginpahayag ni Oil Industry Management Bureau (DOE-OIMB) assistant director Rodela Romero nga ang pagsaka sang presyo ang bangud sang paghisugot sang US kag China nga magbuhin sang reciprocal tariffs sa kalabanan nga imported goods sa 90 ka adlaw nga pause.