Presyo sang gasolina, nagsaka sang P1.40 subong nga aga; presyo sang diesel, nagsaka sang P1.75

Nagpatuman sang pagsaka sa presyo sang produktong petrolyo ang mga oil firms epektibo subong nga adlaw, Martes, Hunyo 25.

Sa separado nga advisories, ang CleanFuel, Seasoil, PetroGazz kag Shell ang nagpatuman sang P1.40 nga pagsaka sa kada litro sang gasolina, P1.75 sa kada litro sang diesel kag P1.05 sa kada litro sang kerosene.

Alas 6:00 ang takna kaina sang aga nangin epektibo ang pagbag-o sa presyo sang produktong petrolyo sa SeaOil, PetroGazz kag Shell, samtang ang alas 4:01 naman karun sa hapon mangin epektibo ang price adjustment sa CleanFuel.

Natalana naman nga maga-anunsyar sang price adjustments ang iban nga oil firms.