Presyo sang Gasolina, nagsaka sang P1.60 kada litro; Diesel, nagsaka sang P1.96

Mabug-atan na naman liwat ang bulsa sang mga motorista subong nga semana matapos nga gin-anunsyar sang mga fuel retailers ang liwat nga pagsaka sang resyo sang produktong petrolyo.

Suno sa Department of Energy (DOE), nagsaka sa P1.60 ang presyo sang gasolina, may pagsaka man nga P1.96 kada litro sa presyo sang diesel kag P1.45 kada litro sa presyo sang kerosene.

Magasugod ang mga pagbag-o sang presyo subong nga Martes, May 26.

Ini ang ikalima nga asud-asud nga semana sang pagsaka sang resyo sang gasolina kag ikaduha para sa diesel.