Presyo sang gasolina, nagsaka sang P1.90 kada litro; Diesel, nagsaka man sang P1.20

Madugangan naman ang kabudlayan sang mga motorista matapos nga nagsaka naman ang presyo sang produktong petrolyo.

Sa separado nga advisories, ginpahayag ni Shell Pilipinas Corp. nga nagpasaka ang gasolina sa kada litro sang P1.90, P1.20 sa kada litro sang diesel kag P1.00 sa kada litro sang kerosene.

Ang adjustments ang nagtake effect alas 6:00 ang takna kaina sa aga.

Suno kay Rodela Romero, assistant director sang DOE Oil Industry Management Bureau, ang oil price hike ang bangod sa gindagdag nga sanction sang Estados Unidos sa seller sang oil sang Russia kag Iran.