Presyo sang gasolina, nagsaka sang piso; diesel, nagsaka sang P1.20 kada litro

Matapos ang asod-asod nga pagnubo sang presyo sang produktong petrolyo sa sulod sang lima ka semana, subong nga semana madugangan naman ang lulukduhon sang mga motorista.

Sa separado nga advisories, ang Shell Pilipinas, Seaoil kag Caltex ang nagpatuman sang pagsaka nga P1.00 sa kada litro sang gasolina; P1.00 sa kada litro sang Kerosene kag P1.20 sa kada litro sang Diesel.

Ang Clean fuel kag Petro Gazz ang magapatuman sang pareho nga price adjustments magluwas sa Kerosene nga wala sa ila nga produkto.

Ang price adjustment sa tanan nga oil firms ang nangin epektibo alas 6:00 ang takna kaina sang aga magluwas sa Cleanfuel nga magapatuman sang adjustment alas 04:01 karun sa hapon.