Presyo sang gasolina, nagsaka sang piso kada litro; Diesel, nagsaka man sang P1.40

Liwat nga nagpatuman ang mga oil firms sang pagsaka sa presyo sang produktong petrolyo subong nga semana.

Sa separado nga advisories ginpahayag sang Shell Pilipinas Corp. kag Seaoil Philippines Corp. nga nagpatuman sang P1.00 sa kada litro sang gasoline; P1.40 sa kada litro sang diesel kag P0.70 sa kada litro sang kerosene.

Ang Cleanfuel ang nagpatuman sang pareho nga adjustments magluwas sa kerosene nga wala sa ila nga produkto.

Nagtake-effect ang price adjustment alas 6:00 ang takna kaina sang aga magluwas sa Cleanfuel nga magapatuman sang adjustments alas 4:00 ang takna subong nga hapon.