Presyo sang gatong, lauman nga magasaka sang masobra piso sa masunod nga semana

Gin-anunsiyar sang Department of Energy (DOE) nga lauman ang pagsaka sa presyo sang Produktong Petrolyo sa masunod nga semana.

Ginabanta nga magasaka ang presyo sang gasolina sang P1.10 tubtob P1.40 kada litro; ang diesel ang magasaka sang P1.70 tubtob P1.90 kada litro kag ang kerosene ang magasaka sang P1.10 tubtob P1.20.

Suno kay DOE Oil Industry Management Bureau Director III Rodela Romero, ang forecast ang ginbase sa apat ka adlaw nga international trading.

Suno kay Romero, ginaangot ang pagsaka sa presyo sang Produktong Petrolyo sa pagnubo sa balor sang peso, premium nga ginadugang sa pagbakal sang produktong petrolyo kag freight cost.