Lauman sang mga motorista ang increase sa presyo sang Diesel kag Kerosene samtang may rollback naman sa presyo sang Gasolina sa una nga semana sang Nobyembre.
Suno sa Department of Energy (DOE) Oil Industry Management Bureau, lauman ang pagnubo sang presyo sang Gasolina sa P0.10 tubtob P0.30 kada litro kag pagsaka sa presyo sang Diesel sa P0.50 tubtob P0.75 kada litro kag Kerosene sa P0.40 tubtob P0.50 kada litro.
Suno sa DOE ang mixed adjustment sa presyo sang produktong petrolyo ang bangod sa mahina nga supply sang diesel kag kerosene sa Asya.
Dugang pa diri amo ang pag-increase sang fuel demand sa United States kag padayon nga tensyon sa Middle East.
Masami nga gina-anunsyar kada Lunes ang aktwal nga price adjustment nga ginpatuman sa masunod nga adlaw.
Epektibo sa Nobyembre 05 ang pagbag-o sa presyo sang produktong petrolyo.
