Maayo nga balita para sa mga motorista, subong nga semana maganubo ang presyo sang produktong petrolyo.
Sa separado nga advisories, nagpatuman sang oil price rollback ang Chevron Philippines Inc. (Caltex), Seaoil Philippines Corp. kag Shell Pilipinas Corp. sang P1.15 sa kada litro sang gasolina, P.1.90 sa kada litro sang diesel by P1.90, kag P1.80 sa kada litro sang kerosene.
Magapatuman sang pareho nga price adjustments ang Cleanfuel magluwas nalang sa kerosene nga wala sa ila nga produkto.
Nag-epekto ang price adjustment alas 6:00 ang takna subong nga aga sa tanan nga oil firms magluwas nalang sa Cleanfuel nga nagpatuman sang price adjustment alas-12:01 ang takna kaina sang kaagahon.
Sang tinalikdan nga semana, ang mga oil firms ang nagpatuman sang oil price hike nga P1.00 sa kada litro sang gasolina; P1.20 sa kada litro sang diesel kag P1.00 sa kada litro sang kerosene.
Humalin sang Enero subong nga tuig, ang net increase sa presyo sa kada litro sang gasolina ang nagdangat sa P8.05 kag P5.95 sa kada litro sang diesel kag ang net decrease sang P2.15 sa kada litro sang kerosene as of August 20, 2024.
