Ginalantaw sang market strategist nga sa maabot nga mga binulan, magasaka pa gid ang presyo sang gatong sa pungsod.
Sa Virtual General Membership Meeting ang Chamber of Thrift Banks kahapon, ginpahayag ni Jonathan Ravelas, First Vice President kag Chief Market Strategist sang BDO Unibank, Inc., nga may yara sang tatlo ka mga factors nga magasaka pa dugang ang presyo sang gatong sa pungsod.
Ini ang ginalakipan sang aggressive depreciation sang peso versus sa dollar, ang epekto sang sanction sang European Union batok sa Russia kag ang depleting supplies sang fuel sa pungsod.// Suno kay Ravelas, mas magataas pa gid ang presyo sang fuel sa masunod nga binulan kun magtuman ka nubo ang temperatura ukon mag-umpisa na ang winter season sa Western countries.
Sa karun, wala pa sang narrative nga makapugong sa madasig nga pagsaka sang presyo sang produktong petrolyo.// Ginakasubo man sini nga magapadayon na lamang ini sa pagsaka kun sa diin mahimo ini nga magadangat sa P120 kada litro kag 150 US dollars per barrel ang crude.
