Nanotisyaran sang mga personnel sang Bacolod City Police Office Drug Enforcement Unit nga nagmahal ang presyo sang illegal nga druga nga ginabaligya sa dalan.
Sa interview sang Bombo Radyo Bacolod kay Police Lt Col. Antonio Benitez Jr., pinuno sang Bacolod City Police Office Drug Enforcement Unit, santo sa ila monitoring nagmahal ang kada gramo sang suspected shabu ilabi na sa karun nga nagapadayon ang selebrasyon sang Masskara Festival 2025.
Suno kay Benitez ang kada gramo ang nagabalor na sang P12,000 tubtob P15,000.
Dugang pa nga nagdiutay naman ang nagasulod nga supply sang illegal nga druga nga nagasulod sa ciudad sang Bacolod matapos ang ginpasanyog nga kampanya sang mga otoridad batok sa illegal nga druga.
Suno kay Benitez, dapat lagson sang supply ang demand apang nagamay ang supply kag nagdamo ang demand gani nagmahal ang presyo sini.
Santo man sa ila monitoring ang supply sang illegal nga druga ang nagikan sa Luzon.
