Duha ka adlaw antes ang Valentine’s Day, nagmahal naman ang presyo sang roses.
Sa pagtsekyar sang Bombo News Team, ang anay P100 nga tatlo ka stem sang roses, ang sa karun nagabili na sang P100 ang bilog.
Ang bouquet nga may tatlo ka roses ang nagabili naman sang P500.
Apang ang bouquet nga may roses kag iban pa nga bulak ang masami nagabalor sang P1,500.
May-ara man sang mga nagapacustomize kag temprano pa nga nagpareserve para sa Pebrero 14, Valentine’s Day.
Ang mga bulak ang masami ginabakal naman gikan sa Baguio ukon sa Cebu, apang isa sa kahangawa sang pila ka mga flower vendors amo ang pagkadelatar sang palaabuton pa nga deliveries bangod sa malain nga tiyempo.
May mga flower shops man nga nagabatun sang pag-arrange sang money bouquet.
Ang money bouquet nga may P10,000 cash ang nagasukot sang P1,000 para sa arrangement.
Samtang P500 naman sa money bouquet nga naga-unod sang P5,000 cash.
