Wala sang pagbag-o sa presyohanay sang isda sa Libertad Public Market.
Sa interview sang Bombo Radyo kay Analiza Nicos nga isa ka fish vendor, aminado ini nga apektado sa karun ang baligyaanay sang isda bangud sa closed fishing season sa Visayan Sea apang ginkompirmar sini nga wala sila nagpasaka sang presyo.
Suno kay Nicos, P160 sa gihapon ang kilo sang marot; P180 tubtob P200 ang presyo sang panit; P160 tubtob 180 ang kilo sang bangrus; kag P140 naman ang presyo sang tilapia.
Suno sa fish vendor, indi sila magpataas sang presyo bangud nakahibalo ang mga ini nga wala sang may mabakal sang ila mga baligya kun magbalor ini sang masobra P200.
Gindugang niya man nga mas maayo na lang nga makaginansya sila bisan P20 sangsa wala na gid sang may mabakal.
