Ginkompirmar sang provincial veterinarian sang Negros Occidental nga may yara sang pagsaka sa presyo sang itlog, karne sang itlog, manok, baboy kag karne sa probinsya.
Sa interview sang Bombo Radyo Bacolod kay Dr. Placeda Lemana may yara sang pagmahal sa presyo sang itlog sa probinsya sang Negros Occidental, ang average price amo ang sa small eggs ang P6.36; medium eggs P7.12; Large P7.67 kag extra large P8.61 samtang ang salted eggs ang may average price nga P13.19 kag ang ballot ang may yara sang average price nga P24.34.
Nagsaka man ang karne sang manok, ang pinakamataas ang mabakal sa syudad sang Victorias kag banwa sang EB Magalona ang mabakal sang P245 kada kilo kag ang pinakabarato ang mabakal sa syudad sang San Carlos sa P185.
Samtang nagmahal man ang karne sang karabaw nga mabakal sa P390 kada kilo sa syudad sang Escalante kag Sagay apang ang pinakabarato sa banwa sang Salvador Benedicto nga mabakal sang P195 kada kilo.
Suno sa provincial veterinarian ang kamahal sang feeds ang rason sang pagmahal sang itllog kag karne.
Gin-athag man ni Lemana nga wala sang kakulang sa supply sang karne kag itlog sa probinsya.
