Presyo sang kada kilo sang bombay sa Libertad Public Market, nagdangat sa P480

Nagdangat nalang sa P480 kada kilo sang bombay sa Libertad Public Market sa syudad sang Bacolod.

Sa interview sang Bombo Radyo Bacolod kay Marvin Gustilo, nagabaligya sang bombay, ang mga bag-o nga stock nga nag-abot ang ginabaligya nalang nila sang P480.00 apang may yara man sila sang ginabaligya nga P500 kada kilo.

Aminado man ini nga mas bakal ang mga barato nga bombay bangud amo man ini ang ginahulat sang mga tawo.

Suno kay Gustilo, nakadepende man size sang bombay ang presyo sini kun magbakal sang binilog kun sa diin P5.00 ang bilog sang P480 kada kilo samtang P10.00 naman ang bilog sang P500 ang kilo.

Samtang wala naman sang nagabaligya sang puti nga bombay bangud ang isa ka bag ang nagabili na sang P4200.00.