Nagdangat na sa P450 tubtob P500 ang presyo sa kada kilo sang bombay sa merkado nga ginaluman maganubo ini kasunod sa ginpahayg sang Department of Agriculture nga P250 suggested retail price (SRP).
Sa interview sang Bombo Radyo kay Helen Condez, manugbaligya sang panakot sa Libertad Public Market, tuman na ka mahal ang presyo sang bombay nga ila ginabaligya sa P450 ang kilo, nga kuha pa niya sa presyo nga P4000, samtang may yara man sang nagabaligya nga P500 nga presyo sa ginkuha nga P5000 kada sako.
Suno diri, madamo sang manugbakal ang nagapili sang hamay-hamay nga kadakuon sang bombay, kag labi sa mga customer sini amo ang nagapamakal para ibaligya sa tiyangge, apang mas ginapili pa gid sang mga ini ang magagmay nga ila ginabligya sa presyo nga P5 tubotb P6 kada bilog.
Ang isa ka kilo sang bombay ginalakipan sang 65 tubtob 70 kabilog.
Apang, aminado si Codnez nga apisar sa ginalantaw nga pagsaka sa presyo sang bombay labi na sa nagahilapt nga selebrasyon sang bag-ong tuig, padayon ang pagbaligya sini nga suno sa iya madamo sa gihapon sang manugbakal.
Samtang, ginlauman sang isa ka manugbakal nga magnubo ang presyop sang bombay, nga sa karun iya lang gina-budget ang pagbakal sa tag pilahon lang ka piraso.
Suno kay Jo, binilog lang ang bakal sini nga para lang may ayar snag magamit sa sulod baklay.
Dugang pa niya, kun magsaka pa ngiod ang presyo sini, iya n a lang tunga-on ang isa ka bimbay kag tagu-on ang tunga siniopara magamit naman sa madason.
