Ginkakibot sang presidente sang Federation of Irrigators Association Central Negros Bago River Irrigation System (FIACN BRIS) ang madasig nga pagnubo sang presyo sang kilo sang humay.
Sa interview sang Bombo Radyo kay Pedro Limpangog, sang tinalikdan nga duha ka semana yara pa sa P29 per kilo ang presyo sang humay apang ginkakibot sini nga subong nga semana gulpyada lang nanaog sa P23 ang presyo kada kilo.
Suno diri, ginpahayag sang mga nagagaling sang humay nga wala na maayo may nagabakal sang lokal nga humay bangod mas barato ang presyo sang imported.
Suno kay Limpangog, mahimo nga gilayon nagnubo ang presyo sa lokal agud makalaot sa presyo sang imported.
Pahayag sini, sa P23 per kilo nga presyo indi man mapierde ang mga mangunguma basta yara sa gihapon sa masobra P1,000 ang presyo sang kada sako.
Nagapangabay si Limpangog nga mapadayon ang adbokasiya sa pagtanum bisan nga may tion nga ang mangunguma nagakapierde kag nagadaog man apang wala sila naga-untat sa pagtanom para sa food security sang probinsya sang Negros Occidental.
