Atensyon sa mga motorista, ginpatuman subong nga adlaw ang oil price rollback.
Sa separado nga advisories, ginpahayag sang Chevron Philippines Inc. (Caltex), Petron Corp., Seaoil Philippines Corp. kag Shell Pilipinas Corp nga sila ang nagpanubo sang P0.85 sa kada litro sang gasolina; P0.75 sa kada litro sang diesel kag P0.90 sa kada litro sang kerosene.
Nagpatuman sang pareho nga price adjustments ang Cleanfuel, Petro Gazz, PTT Philippines Corp., kag Unioil Petroleum Philippines Inc. magluwas sa kerosene nga wala sa ila nga produkto.
Nagtake-effect ang pagbag-o sang presyo kaina alas 6:00 ang takna sang aga sa iban nga oil firms samtang alas-12:01 naman kaina sang kaagahon nagpatuman sang price adjustment ang Cleanfuel.
Ginalantaw nga rason sa rollback amo ang pagpanubo sang Organization of the Petroleum Exporting Countries (OPEC+) sang ila nga oil demand forecasts sa ikaapat nga tion.
Suno sa US Energy Information Administration, ang 2025 crude price forecast ang yara sa $1.53 per barrel bangud sa ginalantaw mas mataas nga global oil production.
Ginalantaw man nga rasun ang paghuyang sang ekonomiya sang China tuga sang negatibo nga panglantaw sang investors sa Chinese demand.
