Maayong balita para sa mga Motorista, nagpatuman naman sang pagnubo sa presyo sang produktong petrolyo ang mga oil firms.
Apang indi sagihapon nagakaigo agud nga maulian ang ginpatuman nga price hike subong nga tuig para sa gasolina kag diesel.
Sa separado nga advisories, ang Seaoil Philippines Corporation kag Shell Pilipinas Corporation ang nagpatuman sang oil price roll back nga P1.00 sa kada litro sang gasolina; P1.30 sa kada litro sang diesel kag P1.65 sa kada litro sang kerosene.
Nagpatuman man sang pareho nga price adjustment ang Cleanfuel kag Petro Gazz magluwas nalang sa kerosene nga wala sa ila nga produkto.
Nangin epektibo ang price adjustment alas 6:00 ang takna kaina sang aga, Setyembre 17.
Ang iban nga firms ang magahimo sang pareho nga announcements subong nga semana.
Ang pinakaulihi nga announcements ang kadungan sang projections nga ginhimo sang Department of Energy-Oil Industry Management Bureau (DOE-OIMB) ang bangud sa nagahina nga global demand prospects kag ginalauman nga oil oversupply.
Sang tinalikdan nga semana ang mga oil firms ang nagpatuman man sang pagnubo nga P1.55 sa kada litro sang gasolina, P1.30 sa kag P1.40 sa kada litro sang kerosene.
Humalin sang Enero subong nga tuig, nagdangat sa P5.85 kada litro ang net increase para sa gasolina kag P3.05 sa kada litro sang diesel kag P4.70 kada litro ang net decrease para sa kerosene.
