Presyo sang langis, nagpanaog sa $100 kada bariles matapos ang pag-anunsyar sang two-weeks ceasefire

Nagpanaug ang presyo sang langis sa $100 kada bariles matapos gin-anunsyo ang ceasefire sa tunga sang Estados Unidos, Israel, kag Iran.

Nagalaum ang mga traders nga magabalik na sa normal ang 20 porsyento sang world supply matapos gin-anunsyo ang ceasefire agreement kahapon.

Dako ang pagnubo sang presyo sang langis nga nagdangat na sa kapin $119 kada bariles sang nakaligad nga Marso, yara na lamang subong sa $94 kada bariles.

Madumduman nga ang presyo sang langis kada bariles ang yara lamang sa $70 antes pa nag-umpisa ang gyera.

Nagbilin sang dalagko nga halit ang gyera kaangay sang pagkaguba sang mga oil facilities sa rehiyon, nga posible magtuga sang kabudlayan sa pagbalik sa normal nga produksyon.