Presyo sang langis sa world market, nagpanaog matapos sang announcement tuhoy sa 60-day ceasefire extension sang US kag Iran

Nagpanaug ang presyo sang langis kahapon matapos nagpagwa sang report nga nagkasugtanay na ang Estados Unidos kag Iran sa 60-day ceasefire extension kag posible nga pag-umpisa sang pagsinapol natuhoy sa nuclear program sang Iran.

Nagpanaug sa 0.2 percent sa $94.07 kada bariles sa Brent crude.

Antes sini, nagsaka pa ang presyo sang langis bangud sa pag-atake sang Iran sa isa ka U.S. airbase bilang pagtimalos sa nauna nga strike sang Amerika sa Bandar Abbas.

Santo sa report, kinahanglan pa sang pinal nga pag-apruba ni US President Donald Trump sa nasambit nga kasugtanan.

Ang pagpanaug sang presyo sang langis sa global market ang makaapekto sa pungsod kag posible nga magpanaug man ang presyo sang produktong petrolyo kag balaklon sa merkado.