Mas manubo sa P3 kada kilo ang presyo sang local rice kun ipaanggid sa imported apisar nga nagwaswas si Bagyo Kristine kag apisar may 3.6 million metric tons sang imported rice subong sa pungsod.
Santo sa pinakaulihi nga report nga ginplastar sang Department of Agriculture (DA) sa merkado sa Metro Manila, ang retail prices sang local regular milled rice ang nagbalor sang P42 kag P47 per kilo kun ikumparar sa retail price sang imported regular milled rice nga P45 per kilo.
Sa local premium rice, ang presyo ang nagadangat sa P50 kag P58 per kilo kun ipaanggid sa imported premium rice nga P52 tubtub sa P60 per kilo.
Una na nga ginpahayag sang economic managers nga ang retail price sang imported rice ang maganubo sang P7 per kilo kun ipatuman na ang Executive Order 62 nga amo ang nagpahanugot sa 15-percent tariff sa imported rice halin sa anay 35 percent.
Una man nga ginpahayag ni Agriculture Secretary Francisco Tiu Laurel Jr. nga ang expected full impact sang EO 62 ang mabatyagan pa sa January 2025 bangud ang demand sa pagkaon ang masami nagasaka sa Disyembre.
As of Oct. 17, may yara sang at least 3.6 million metric tons sang imported rice sa Pilipinas nga kadam-an naghalin sa Vietnam.
Ang iban pa nga ginkuhaan amo ang Thailand, Pakistan, Myanmar, India, China, Japan, Cambodia, Italy, kag Spain.
Ang local rice harvest naman para sa wet season ang nagsugod sang Septyembre kag natalana ang peak subong nga Oktubre.
