Bisan wala nagsaka ang presyo sang manok, tuman naman kahina ang baklanay sini sa mga merkado sa ciudad sang Bacolod, apisar nga nagahilapit na ang holiday season.
Sa interview sang Bombo Radyo kay Malou Dela Rosa, nagabaligya sang manok sa Bacolod North Public Market sa Dalan Burgos, indi manami ang lakat sang ila nga negosyo kun ikumparar sang nagligad nga mga tinuig.
Sa karun, amo sa gihapon ang presyohanay sang manok, bangud aminadio man ini nga kun mataas ang presyo, diutay na gid ang manugbakal.
Ang presyo ang yara sa karun sa P180 tubtob P200.
Antes ang COVID pandemic suno kay Dela Rosa, madasig lang maubos ang baligya nila nga manok kun sa diin ubos na ang 200 kilos nga supply alas-9:00 sa aga.
Apang sa karun, sa 200 kilos sang manok nga ginabligya nila sa isa ka adlaw, masobra lang 100 kilos lang ang maubos diri.
Ginalauman naman sini nga sa madason nga semana, mangin maayo ang baligyaanay nga magdamo ang manugbakal.
