Posible nga magsaka man ang presyo sang noodles, karne kag manok sa tunga sang nagakatabo nga ginamo sa Ukraine suno kay anay socioeconomic planning secretary Ernesto Pernia.
Ini bangud sa ginalauman nga pagsaka sa presyo sang trigo, nga gina-import pa sang Pilipinas.
Suno kay Pernia, nagagamit man sang trigo sa animal feeds.
Suno kay kay Presidential Adviser for Entrepreneurship Joey Concepcion, presidente sang isa sa pinakadako nga kumpaniya nga nagagamit sang harina para sa food products, dako nga problema ini bangud sa posible nga indi masarangan sang publiko ang pagsaka sa presyo sang mga balaklon.
Ini suno sa iya ang rason agud halugan ang alert levels.
Paagi diri, nagapati si Concepcion kag ang iban pa nga negosyante nga mapakusog ang ikasarang sang publiko para sa mga kinahanglanon.
Una na nga ginpahayag sang Department of Trade and Industry nga tun-an pa ang pagsaka sang presyo sa ila produkto.
Una na nga ginpahayag sang mga eksperto nga magasaka ang presyo sang harine kag gasolina sa tunga sang krisis.
