Dako ang gin-nubo sa presyo sang notebook subong nga 2025.
Sa interview sang Bombo Radyo Bacolod kay Juden Villarta, saleslady sa baligyaan sang school supplies sa downtown area, ang notebook lamang ang nakitaan sang dako nga adjustment sa presyo.
Apang ginakasubo sini nga madutay ang nagabakal sa karun sang mga school supplies.
Suno kay Villarta, kalabanan sa mga iloy ang pipila ka notebooks lamang ang ginabakal bangod sila ang nagahulat sang libre nga school supplies gikan sa Bacolod City Government.
Ang mga ini ang nagbakal lamang sang pipila bilang pagpangaman bangod wala pa mahibaluan kun san-o maka-abot ang libre nga school supplies.
Suno diri P20 ang ginpanaog sa presyo sang kada set sang notebooks.
Ang kada set ang ginabug-usan sang napulo ka notebooks kun sa diin ang naka-yarn ang nagabalor P150 samtang ang spring kag writing notebooks naman ang P140 kada set.
Wala naman maayo sang pagbag-o sa presyo sang iban nga school supplies.
Nagalaom ang mga ini nga magadamo ang manugbakal sa Dominggo antes ang pagsugod sang klase.
Ang opening sang School Year 2025-2026 sa mga pampubliko nga eskwelahan ang magasugod na sa Lunes, Hunyo 16.
