Presyo sang plane ticket, ginalantaw nga magnubo sa pagpanaog sang fuel surcharges sa mga eroplano

Ginalantaw nga maganubo na ang presyo sang plane ticket matapos nga ginpanubuan sang Civil Aeronautics Board (CAB) ang fuel surcharge sang mga eroplano sa pinakamanubo nga lebel halin sang nagsaka ang presyo sang langis bangud sang tensyon sa Middle East.

Humalin Hulyo 1 tubtub 15, ginpanubo sa Level 9 ang fuel surcharge gikan sa Level 12, gani ginalauman man nga maganubo ang presyo sang pila ka domestic kag international flights.

Suno sa CAB, ang surcharge sa domestic flights mangin P287 tubtob P839, mas manubo sangsa nagligad nga P389 tubtob P1,137.

Padayon nga gina-review sang CAB ang fuel surcharge kada 15 ka adlaw base sa paghulag sang presyo sang jet fuel.