Lauman ang liwat nga pagnubo sang presyo sang produktong petrolyo sa masunod nga semana.
Santo sa apat ka adlaw nga trade monitoring sang Means of Platts Singapore, suno kay DOE Oil Industry Management Bureau Assistant Director Rodela Romero, lauman nga maganubo sa kapin P0.30 ang kada litro sang Gasolina, P1.10 sa kada litro sang Diesel kag P0.65 sa kada litro sang Kerosene.
Suno kay Romero ang pagnubo sang presyo ang bangod sa oversupply sa Organization of the Petroleum Exporting Countries ilabi na sa Russia kag United States.
Dugang pa sini, nanaog ang demand sa international market santo sa forecast sang International Energy Agency.
Pahayag ni Romero, masami nga nagasaka ang oil demand sa last quarter sang tuig bangod madamo sang nagagamit sang heating fuel kaangay sang gasolina, diesel kag Liquefied Petroleum Gas sa northern hemisphere.
