-- ADVERTISEMENT --
Lauman ang pagsaka sang presyo sang produktong petrolyo sa masunod nga semana kadungan sa pagsalubong sang paskwa.
Suno sa Department of Energy, epektibo sa Martes, Disyembre 24, ang pagsaka sa presyo sang Diesel sa P1.20 tubtob P1.40 kada litro, Gasolina sa P0.30 tubtob P0.50 kada litro kag Kerosene sa P0.70 tubtob P0.90 kada litro.
Suno kay Department of Energy-Oil Industry Management Bureau Assistant Director Rodela Romero, ang nagapanguna nga rason sa pagsaka sang presyo sang produktong petrolyo amo ang pagbaskog sang baylo sang dolyar, nga amo ang narekord nga pinakamataas nga baylo sini humalin sang tuig 2022.
Suno pa diri, apektado man sa gihapon ang oil production sa nagapadayon nga tension sa Middle east.
