Gin-anunsyo sang pila ka mga fuel retailers kahapon sang Lunes ang liwat nga pagsaka sang presyo sang produktong petrolyo.
Ini ang ika-13 nga asod-asod nga semana sang pagsaka sang presyo sang gasolina kag ika-15 naman sa diesel kag kerosene samtang nagapadayon ang kinagamio sa Middle East.
Ang Petron ang magapasaka sang presyo sang gasolina sa P4.90 kada litro, P18.80 kada litro sang diesel kag P8.10 kada litro sang kerosene.
Samtang ang Shell naman ang magapasaka sang presyo sang gasolina sa P5.90 kada litro, P19.80 kada litro sang diesel kag P9.10 kada litro sang kerosene.
Magasugod ang mga pagbag-o sa presyo alas-6:00 subong nga aga sang Martes, Abril 7.
Ang iban pa nga kumpanya ang wala pa sang may ginpagwa sang kaangay nga anunsyo para sa sini nga semana.
