Liwat na naman nga lauman ang pagsaka sang presyo sang produktong petrolyo sa masunod nga semana nga amo na sa karun ang ika-apat nga semana nga asod-asod ang pagsaka sang presyo.
Lauman nga magasaka kapin P1.00 sa kada litro sang Gasolina; kapin P1:40 sa kada litro sang Diesel kag kapin P0.80 sa kada litro sang Kerosene.
Ang estimated nga presyo ang santo sa resulta sang international fuel trading suno kay Department of Energy-Oil Industry Management Bureau Assistant Director Rodela Romero.
Suno sa energy official ang rason sa oil prices amo ang pag-impose sang Estados Unidos sang sanction sa pagtarget sa oil revenue sang Iran.
Dugang pa nga ginpa-untat sang Saudi Arabia kag Iraq ang ila oil shipments sa Nayara Energy Ltd. sa India matarpos nga gindagdagan ini sang sanction sang European Union.
Maapektohan man sang oil price sa masunod nga semana bangod sa nagasaka nga tension sa tunga sang Russia kag Ukraine.
Mahibaluan nga masami gina-anunsyar kada Lunes ang official price adjustments nga ginapatuman pagakasunod nga adlaw.
