UNITED KINGDOM- Kasubong sa pungsod Pilipinas, tuman man ang pagtimbuok sang presyo sang produktong petrolyo sa United Kingdom bangud sa Russia-Ukraine crisis.
Sa interview sang Bombo Radyo Bacolod kay Ramil Isogon, Bombo Correspondent sa United Kingdom, narecord na ang pinakamataas nga presyo sang petrolyo sa UK sa sulod sang 14 katuig.
Suno kay Isogon, santo sa report nagdangat na sa 140 dollars per barrel ang presyo sang diesel.
Suno diri ang nasambit nga fuel increase ang una nga natabo humalin pa sang 2003.
Ginpahayag man sini nga ang Unleaded ang mabakal sang 1.50 pounds ukon P102.80 kada litro kun sa diin antes ang krisis ini ang mabakal lamang sa Ukraine sang 1 pounds and 30 pens tubtob 1 pound kag 40 pens.
Suno kay Isogon, mabakal ang gasolina sa sentro sang syudad sa 1 pounds kag 55 pens tubtob 1 pound kag 60 pens samtang ang diesel naman ang mabakal sa 1 pound 60 pens tubtob 1 pound kag 70 pens.
Ginpahayag man sini nga ang pagpasaka sa presyo sang krudo ang nakadepende sa kompaniya nga nagabaligya sang langis.
Suno kay Isogon, 4 porsyento lamang sang fuel sa United Kingdom ang ginakuha gikan sa Russia.
