Halos P50 ang ginsaka sa preyso sang mga uniforms nga ginabaligya sa Central Public Market sa Bacolod City sa karun nga nagahilapit na ang pagbukas sang klase.
Sa interview sang Bombo Radyo kay Alicia Jalandoon sang Barangay Tangub nga isa ka vendor sa Central Public Market, alas 6 sang aga, nagaplastar na ini sang iya baligya kag ini pa nagakagab-ihan bangod nga maayo ang baligya-anay sang unifroms.
Ang mga baligya sini nga uniforms amo ang polo, slocks, blouse kag palda sang mga estudyante sa presyo nga P250 tubtob P350 kada isa .
Ini tanan nagsaka sa presyo nga P50 kumpara sa presyohanay sang nakaligad nga tuig.
Sang nakaligad nga bulan ang mga uniforms nagabalor sang P180 tubtob P200 pa lamang.
Suno kay Jalandoon, sumugod nga nagsaka ang presyo sang bugas halos tanan nagsaka naman.
Apang, suno diri, apisar sa mahal nga presyo nangin maayo ang baklanay.
